Putinin mətbuat katibi çempionla evlənir
Mətn ölçüsü:
  • 100%

Putinin mətbuat katibi çempionla evlənir

Buz üzərində rəqsdə fiqurlu konki üzrə olimpiya çempionu Tatyana Navka bildirib ki, avqustun 1-də Rusiya prezidenti Vladimir Putinin mətbuat katibi Dmitri Peskova ərə gedir.

“Hər şey qeyri-adi oldu, çünki bu, baş verməməli idi. Həqiqətən olmamalı idi. Mən uzun müddət əksinə oldum, çünki ailə, üç uşaq və ümumiyyətlə, bütün bunlar dəhşətlidir.

Düzünü desəm, Peskov öncə mənim heç xoşuma da gəlmirdi. Amma ünsiyyət qurduq, bir neçə dəfə restorana getdik, mən düşünürdüm ki, sadəcə dostuq. Amma ona afərin, eleqantlığı və inadkarlığı ilə istədiyinə nail oldu.

Hər şeyi çox hiyləgərcəsinə etdi. Həm qulluq edirdi, həm də yox. Deyirdi ki, bir yerdə olacağıq, mən isə onu Dmitri Sergeyeviç adlandırırdım. Bu sərhəddi keçə bilmirdim... Zəng etmirdim və telefonu götürmürdüm. O isə məni dostlarımın əli ilə tapırdı. Və istədiyinə nail oldu. Doğru etdi, məni səs-küylə əldə etmək olmazdı, heç cür olmazdı”, - Navkanın sözlərini “R-Sport” dərc edib.

Dmitri Peskov öz növbəsində Tatyana Navka ilə toyu barədə suallara cavab verməkdən imtina edib.

“Mən buna şərh vermirəm, bunun heç kimə aidiyyatı yoxdur”, - Peskov jurnalistlərə deyib.oxu.az

Ölkə.Az