Qadın baş nazirin görüntüləri ölkəni ayağa qaldırdı: narkotik şübhəsi...
Finlandiyanın baş naziri Sanna Marinin qatıldığı şənlikdə rəqs etdiyi görüntülər mediaya sızıb.
Ölkə.Az xəbər verir ki, sosial şəbəkələrdə yayımlanan videolarda Baş nazir Marinin deputat İlmari Nurminen və media aparıcısı Tinni Vikström də daxil olmaqla finlandiyalı məşhurlarla əyləndiyi görünür.
Sızdırılan görüntülərdə baş nazir Marinin dostları ilə çılğıncasına rəqs edib mahnı oxuması, insanların isə fonda “kokain” qışqırması diqqət çəkir.
Finlandiyalı baş nazirin koalisiya ortağı olan deputat Mikko Karna Sanna Marini narkotik testindən keçməyə və nəticələri ictimaiyyətə açıqlamağa çağırıb.
Baş nazir Marin isə narkotikdən istifadə etdiyinə dair iddiaları təkzib edib və gizlədəcək bir şeyinin olmadığını bildirib.
Marin çox spirtli içki qəbul etmədiyini də ifadə edib. O, görüntülərin sızmasına da münasibət bildirib:
"Videolar özəl bir tədbirdə çəkildiyi üçün onların yayımlanmayacağına inanırdım. Onların yayımlanması pis hissdir"
Sızdırılan görüntülər sosial şəbəkələrdə müzakirələrə səbəb olub. Bəziləri Marini məsuliyyətsiz hərəkət etdiyinə görə tənqid edib, digərləri isə bunun 36 yaşlı baş nazirin populyarlığını artırdığını müdafiə edib.
Billurə
