Bişkekdə terroristlərlə silahlı atışma

Qırğızıstanın paytaxtı Bişkekdə terroristlərlə silahlı atışma olub.

Qırğızıstanın Milli Təhlükəsizlik üzrə Dövlət Komitəsinin xüsusi təyinantlıları terrorçulara qarşı əməliyyat keçirirlər.

Terrorçuların Bişkekin mərkəzinə yaxın yerdə bir evdə olduqları qeyd edilir. Bildirilir ki, terrorçulardan biri həbsxanadan qaçmış Qazaxstan vətəndaşı 27 yaşlı Janbolot Əmirovdur. O, Qırğızıstan ərazisində terror aktlarının törədilməsində ittiham edilir.

Son məlumatlara əsasən, terrorçuların gizləndiyi evin yerləşdiyi binada yanğın olub. Həmin ərazidə bir təcili yardım maşını da aşıb. Atışmanın getdiyi rayon mühasirəyə alınsa da, bəziləri yaxınlıqdakı binaların sakinlərinin təxliyə edilməməsindən şikayətləniblər. Bundan başqa bəzi qeyri-rəsmi məlumatlarda iki "Alfa" xüsusi təyinatlısının yaralandığı, iki terrorçunun öldürüldüyü bildirilir. (ans)

Ölkə.Az