Yer kürəsi Plutonu izləyəcək

Amerika Milli Aerokosmik Agentliyi bu gün tarix yazmaqla, ilin və dövrün hadisəsini gerçəkləşdirəcək. NASA-nın “Yeni horizont” tipli kosmik cihazı vasitəsilə 85 il əvvəl kəşf edilən Günəş sisteminə aid olan Pluton planetini yaxından görmək mümkün olacaq.

Ölkə.Az xəbər verir ki, Almaniya mətbuatına istinadla xəbər verir ki, dünya əhalisi internet şəbəkəsi ilə bu tarixi olayın gedişatının şahidlik edəcək.

“Yeni horizont” kosmik aparatı Pluton planetinin 12,5 min kilometr yaxın məsafəsindən keçəcək. Aparatın bu planetə yaxınlaşması üçün isə 10 il vaxt sərf olunub.

Bildirilir ki, bu zaman kəsiyi ərzində “Yeni horizont” yer kürəsinə mütəmadı kosmik şəkillər ötürüb. Saatda 49 889 kilometr qət edən kosmik gəmi Plutonun atmosfer qatını araşdırıb, planetin görüntülərini Agentliyə yollayacaq.

NASA alimləri üçün 5 saata yaxın vaxt lazım gələcək ki, 4,7 milyard kilometr uzaqlıqdan yerə daxıl olan yayım siqnalini qəbul edə bilsin. Proqnozlara görə, NASA-nın bu cihazı kosmosda daha 10-15 il tədqiqat aparacaq.

Ölkə.Az