Fransa xarici işlər naziri İrana səfər edəcək

Mövzular məlum deyil.

Ölkə.Az "Reuters" informasiya agentliyinə istinadən xəbər verir ki, Fransa xarici işlər naziri Loran Fabius İrana səfər edəcəyini bəyan edib.

Diplomatın Tehrana səfəri 27 iyul - 2 avqust həftəsində reallaşacaq. Ehtimal olunur ki, Fransa XİN rəhbəri İran prezidenti Həsən Ruhani ilə görüş keçirəcək. Fabius danışıqların hansı mövzularda aparılacağını bildirməyib.

"Altılıq" ölkələri ilə İran arasında nüvə proqramlarına dair razılaşma əldə edilib.

Razılaşmaya əsasən, Avropa İttifaqı İrana qarşı sanksiyaları sazişin imzalanmasından dərhal sonra ilin sonuna qədər donduracaq. Həmin müddət ərzində sanksiyaların tam ləğv edilməsi üçün qalan məsələlər razılaşdırılacaq.

Rəşid Mustafazadə

Ölkə.Az