Bütün dünya bu gün saat 21:00-ı gözləyir

Dünyanın ən əhəmiyyətli xəbəri.

Ölkə.Az xəbər verir ki, NASA (Milli Aeronavtika və Kosmos İdarəsi) bu gün saat 21:00-da internet vasitəsilə önəmli açıqlama verəcək.

Kosmos agentliyinin bu axşam Yer kürəsinə ən çox bənzəyən planet tapdığına dair şərh verməsi gözlənilir. NASA-nın açıqlamasını oxuyanlar "Gedib yaşaya biləcəyimiz planetmi tapıldı?" sualını soruşur.

NASA bu axşam Kepler kosmos teleskopunun kəşfləri haqqında məlumat verəcək. Teleskop indiyə qədər yaşayış üçün yararlı olan 11 planet kəşf etsə də, NASA-nın bu axşam edəcəyi açıqlama Yerə ən yaxın və ən çox bənzəyən planeti açıqlayacağı iddia olunur.

Günəş sistemimizin xaricindəki ilk kəşf 1995-ci ildə edilmişdi. 21 il əvvəl yeni planetlər kəşf etmək, orada həyat qurmaq yalnız elm fantastika filmlərdə mümkün idi. İndi isə bu gerçəyə çevrilir. İnsanlar illər əvvəl xəyal qurduqlarını real olaraq görə biləcəklər.

Saat 21:00-dan etibarən mühüm açıqlamanı BURADAN canlı izləyə bilərsiniz.

Ölkə.Az