ABŞ hərbi təyyarələri Türkiyə üzərində

""İncirlik" hərbi bazası zərurət yaranarsa, İŞİD terror qruplaşmasına qarşı əməliyyatlarda qismən istifadə oluna bilər".

Bu haqda Türkiyə Prezidenti Rəcəb Tayyib Ərdoğan bildirib. Onun sözlərinə görə, Türkiyə terror təşkilatlarının fəaliyyətinin qarşısını almaq üçün hər şeyi edəcək. Prezident qeyd edib ki, Türkiyə Silahlı Qüvvələri bundan sonra da İŞİD silahlılarına qarşı hərbi əməliyyatları davam etdirəcək.

Türkiyə Adana vilayətinin İncirlik rayonunda yerləşən eyni adlı hərbi baza İŞİD-lə mübarizə aparan koalisiya qüvvələrinin istifadəsi üçün açıla bilər.Bu razılaşmanın əsas hədəfi İŞİD və əl Nüsra kimi radikal terror qruplaşmaları olacaq. Ehtiyac olacağı təqdirdə ABŞ və koalisiya qüvvələrinə məxsus İncirlik bazasından qalxan qırıcılar Türkiyə hava sahisəindən keçərək İraq və ya Suriyaya keçə biləcək. İki gün əvvəl Türkiyə prezidenti Rəcəb Tayyib Ərdoğanla ABŞ prezidenti Barak Obama arasında baş tutmuş telefon danışığı zamanı bu məsələnin müzakirə olunduğu bildirilsə də bu barədə ətraflı məlumat verilməyib. 

Artıq Türkiyə hakimiyyəti ABŞ-na ölkə ərazisində İŞİD terror qruplaşmasının mövqelərinə zərbələrin vurulması üçün aviasiyanı yerləşdirməyə icazə verib. Bu haqda “The Wall Street Journal” amerika qəzetinin elektron versiyası bildirib

Pentaqonda olan nəşrin mənbələri iddia edir ki, "çoxaylıq danışıqlardan sonra Türkiyə ABŞ hərbiçilərinə Suriyayla sərhədə yaxın ABŞ-ın Hərbi Hava Qüvvələrlərinin bazasından İŞİD döyüşçülərinə havadan zərbələr vurmağa icazə verməyə razılaşıb". Söhbət həm təyyarələr , həm də pilotsuz təyyarələr haqqında gedir.

 

Nəşr iddiasına görə, razılaşma Türkiyə prezidenti Rəcəb Tayip Ərdoğan və ABŞ prezidenti Barak Obama tərəfindən bəyənilib. Çərşənbə günü onlar Ağ evdə görüşüblər.Bu görüşdə ABŞ və Türkiyə prezidentləri Barak Obama və Rəcəb Tayyib Ərdoğan əcnəbi silahlıların Suriyaya axınının qarşısının alınmasına və Türkiyə-Suriya sərhədinin təhlükəsizliyinin təmin olunmasına dair razılığa gəliblər. (Ans)

Ölkə.Az