Ərdoğan kürd mövqeləri və İŞİD-ə hücumdan danışdı

Türkiyə hərbçiləri İraqda kürd mövqelərini atəşə tutublar.

Ölkə.Az xəbər verir ki, Türkiyənin baş naziri Rəcəb Tayyıb Ərdoğan İraqda kürd döyüşçülərin mövqelərinə hava zərbələrinin endirilməsi faktını təsdiqləyib.

O bildirib ki, türk qırıcıları İraqın şımalında yerləşın kürd mövqelərinə zərbələr endiriblər. Onun sözlərinə görə, bu əməliyyatla eyni anda Türkiyə hərbçiləri İŞİD terror təşkilatı yaraqlılarının məhv edilməsi məqsədilə Suriyada yerüstü mövqelərə silsilə zərbələr həyata keçiriblər.

Bir müddət öncə KİV-lər məlumat yaymışdı ki, Türkiyə hərbçiləri İraqda kürd mövqelərini atəşə tutublar.

Xatırladaq ki, Türkiyə - Suriya sərhədində Kilis Elbeyli ərazisində İŞİD terrorçuları Türkiyə əsgərlərinə atəş açmışdı. Atışma zamanı 1 əsgər şəhid olmuş, 4 əsgər isə yaralanmışdı.

İyulun 20-i Türkiyənin Şanlıurfa vilayətinin Suruç rayonunda törədilən terror aktı törədilib. Amara Mədəniyyət Mərkəzinin həyətində partlayıcı qurğu işə salınıb. Nəticədə hadisə yerində 31 nəfər ölmüş, xeyli sayda yaralananlar olmuşdu.

Partlayışı İŞİD üzvü olan 18 yaşlı qızın törətdiyi bildirilmişdi.

Rəşid Mustafazadə

Ölkə.Az