Türkiyədən sərhəd bölgəsinə atılan raketlə bağlı AÇIQLAMA
Türkiyənin Kilis şəhərindəki Öncüpınar sərhəd-keçid məntəqəsi bölgəsinə raket hücumu nəticəsində 1-i komissar, 6-sı polis olmaqla 8 təhlükəsizlik əməkdaşı yaralanıb.
“Ölkə.Az” xəbər verir ki, bu barədə Türkiyə Daxili İşlər Nazirliyi məlumat yayıb.
“Bu gün PKK/PYD terror təşkilatı Tel Rıfat bölgəsindən (Suriya - red.) Kilis Öncüpınar sərhəd keçid-məntəqəsində yerləşən Polis Özəl Hərəkat Qərargahına reaktiv yaylım atəş sistemi ilə hücum gerçəkləşdirib. Hücum nəticəsində 1 komissar və 6 polis əməkdaşı olmaqla 8 təhlükəsizlik işçisi yaralanıb”, - Türkiyə DİN açıqlayıb.
***
Türkiyənin Kilis əyalətinin Öncüpınar sərhəd-keçid məntəqəsi Suriya ərazisindən raket atəşinə tutulub.
Ölkə.Az xəbər verir ki, bu barədə yerli media məlumat yayıb.
İlkin məlumata görə, Suriyanın şimalından atılan raket nəticəsində 1 əsgər və 2 polis yaralanıb.
