Lukaşenko: Zelenski bunu etməzsə, Ukrayna tamamilə məhv olacaq

Belarus Prezidenti Aleksandr Lukaşenko Kiyevin sülh danışıqlarından imtina edəcəyi təqdirdə Ukraynanın bir dövlət kimi tamamilə məhv olacağını proqnozlaşdırıb. 

“Ölkə.Az” xəbər verir ki, bunu Lukaşenko jurnalistlərə açıqlamasında bildirib.

“Hər şey Ukraynanın əlindədir. Ona görə yox ki, mən bu mövzunu Zelenskiyə və ya Ukraynaya çatdırmaq istəyirəm. Əgər onlar insanların ölməsini istəmirlərsə, biz bunu dayandırmalıyıq. Çünki bundan sonra Ukraynanın tamamilə məhvi olacaq”, - Lukaşenko bildirib.

Lukaşenko sonda Zelenskini Ukraynada axan qanı dayandırmağa və sülh danışıqlarına başlamağa çağırıb. O, Ukraynada baş verənləri güclənən tornado ilə müqayisə edib.

Mürtəza
Ölkə.Az