ABŞ polisi 8 yaşlı xəstə uşağa belə əziyyət verdi

Uşaqların AHDH xəstəliyindən əziyyət çəkdikləri ortaya çıxıb

Ölkə.Az xəbər verir ki, ABŞ-ın Kenton şəhərində polisin iki uşağın əllərini əks istiqamətdə qandallayaraq onların ağlamasını əks etdirən video yenidən səs-küyə səbəb olub.

Belə ki, həmin videoda Kentonun koməkçi polisi Kevin Sumnerin 8 yaşlı uşağın qollarını qandalladığı və uşağın ağlamasına baxmayaraq ona heç bir yardım etmədiyi görünür.

Həmin uşağın ADHD (diqqət əskikliyi və hiperaktiv pozğunluğu) xəstəliyindən əziyyət çəkdiyinin ortaya çıxması ilə əhalinin videoya reaksiyası daha da kəskinləşib. Eyni polis tərəfindən qandallanan digər uşağın da ADHD xəstəliyindən əziyyət çəkdiyi ortaya çıxıb.

Uşaqların hər hansı bir cinayət törətmədikləri və xəstəliklərindən qaynaqlanaraq davranışlarında olan problemlər səbəbi ilə qandallandıqları bildirilib.

Videogörüntülər ortaya çıxdıqdan sonra Amerikanın Uşaq Haqları bürosu xəstə uşaqların travma və qorxu hissi yaşadığı üçün polisi məhkəməyə şikayət edib.

Qeyd edək ki, ABŞ-da şagirdlərin 12%-i zehni inkişafdan geri qalıb və bu uşaqların 75%-i isə məktəbin vəzifəli şəxsləri tərəfindən təzyiqə məruz qalır.

Həmin qalmaqallı videogörüntüləri sizə təqdim edirik:

Ölkə.Az