Bu ölkənin prezidenti parlamenti buraxdı, daha sonra saxlanıldı

Hüquq-mühafizə orqanları Peru prezidenti Pedro Kastilonu saxlayıb.

Bu barədə ölkə mətbuatı məlumat yayıb.

Bir qədər öncə Peru parlamenti ölkə prezidentinin impiçmentini dəstəkləyib.

Bundan əvvəl isə Kastilyo parlamentin buraxıldığını və ölkədə komendant saatı tətbiq olunduğunu bəyan edib.

***

Peru Prezidenti Pedro Kastilyo parlamentin buraxıldığını elan edib və ölkədə fövqəladə vəziyyət elan edib.

“Report” xəbər verir ki, bu barədə o, xalqa müraciəti zamanı bildirib.

P.Kastilyo hüquqi demokratik dövləti bərpa etmək üçün fövqəladə hökumətin yaradılması barədə qərar qəbul olunduğunu deyib: “Bununla əlaqədar belə qərarlar qəbul edilib: hökumət və parlament müvəqqəti olaraq buraxılsın, fövqəladə hökumət yaradılsın, yeni Konstitusiyanın 9 aydan gec olmayaraq qəbul edilməsi məqsədilə mümkün qədər tez müddət ərzində Konqresə yeni seçkilər keçirilsin”.

O məlumat verib ki, Peruda dekabrın 7-dən etibarən komendant saatı tətbiq edilib.