Rusiyanı Cənubi Qafqazda sıxışdırmaq… - Zaxarova

Biz Brüsselin Ermənistanla Azərbaycan arasında münasibətlərin normallaşması prosesinə istənilən vasitə ilə soxulmaq istəyindən xəbərdarıq. 

“Ölkə.Az” xəbər verir ki, bunu həftəlik brifinqdə Rusiya Xarici İşlər Nazirliyinin sözçüsü Mariya Zaxarova Fransa xarici işlər nazirinin Ermənistan və Azərbaycan sərhədində Aİ müşahidəçilərinin mandatının uzadılmasının zəruriliyi ilə bağlı bəyanatını şərh edərkən deyib.

Zaxarovanın sözlərinə görə, Brüssel bunu “sadəcə yerdə varlığını ortaya qoymaq və nəhayət, Rusiyanı regiondan sıxışdırmaq üçün edir. 

“Bu, onların arzusudur. Biz buna münasibətimizi bildirmişik, indi hadisələrin inkişafını gözləməyəcəyik. Cənubi Qafqazda qeyri-regional amilin güclənməsi ilə bağlı müxtəlif və haradasa diametral əks fikirlər, o cümlədən bölgə ölkələri arasında mövcuddur. Həm Bakı, həm də İrəvanla əlaqələrimizdə bu mövzu müntəzəm olaraq müzakirə olunur. Azərbaycanla sərhədin Ermənistan tərəfində Aİ-nin monitorinq missiyasının mandatının uzadılması ilə bağlı qərar qəbul olunarsa, biz bunu əlavə olaraq şərh edəcəyik. Bu arada hər şey onu deməyə əsas verir ki, Aİ Cənubi Qafqazdakı fəaliyyəti ilə yalnız öz fürsətçi maraqlarını rəhbər tutur”.

Mürtəza
Ölkə.Az