Türkiyə PKK-ya qarşı böyük quru əməliyyatına hazırlaşır

Türk silahlı qüvvələri PKK-ya qarşı böyük quru əməliyyatına hazırlaşır

Türkiyə silahlı qüvvələrinin quru qoşunları artan terror hadisələrindən sonra PKK-ya qarşı genişmiqyaslı quru əməliyyatına hazırlaşır.

Ölkə.az türk mətbuatına istinadən xəbər verir ki, PKK terror təşkilatının Türkiyə daxilində və İraq ərazisindəki hədəflərinin bombalanmasından sonra Ankara böyük quru əməliyyatına hazırlaşır. Əməliyyatın Türkiyənin cənubi-şərq və İraqın şimal hissələrində aparılacağı planlaşdırılır.

Son məlumatlara görə türk ordusundan ağır zərbələr yeyən PKK-nın terror qruplarının bir hissəsi Suriya ərazisinə qaçıb. Türkiyə MİT-dən verilən açıqlamada 1500 nəfərlik bir PKK qrupunun Suriya ərazisinə keçdiyi bildirilir. Məlumata görə, əməliyyat çərçivəsində PKK-nın Suriyaya sığınan qrupları da məhv ediləcək.

Hazırda Türkiyə ordusunun birliklərinin İraq və Suriya sərhədi boyu ərazilərdə sayı artırılır. Sərhəd zolağına əlavə artilleriya, zirehli bölmələr və canlı qüvvə gətirilir.

Ölkə.az