Dini idarədən yeni İŞİD

Türkiyə Diyanət İşləri Başkanlığı yeni İŞİD raportu hazırlayıb.

Ölkə.az xəbər verir ki, Türkiyənin işlər idarəsinin rəhbəri professor Mehmet Görməz yeni İŞİD raportunda terror təçkilatının mahiyyəti, inkişafının səbəbləri, gücü və hayata keçirdiyi terror aktları, hədəfləri və taktikası, şüarı, İslam anlayışları və tanınmış alimlərin İŞİD haqqında verdikləri fətvalar yer alıb.

"Əgər bəziləri öz quldurluqlarını Quranın adına bağlayırlarsa, onda İslam aləmi, alimlər buna səssiz qalmamalı, bütün müsəlman ziyalılar dünyanın hər yerində dinin tədrisinin mütləq olduğunu cəmiyyətə və dövlətlərə başa salmalıdırlar. Biz bu raportda yer alan müddəaların bütün Türkiyə miqyasında məscidlərdəki xütbələrdə, müftülüklərin fətvalarında istifadə edilməsini qərara aldıq", deyə Türkiyə diyanət işləri başqanı Mehmet Görməz yeni İŞİD hesabatı haqqında məlumat verərək bildirib.

Xatırladırıq ki, hesabatda İŞİD-in İslama uymayan, dinlə heç bir əlaqəsi olmayan hərəkətləri, fəaliyyətləri, özbaşınalıqları ətraflı olaraq analiz edilərək, təşkilatın terrorçu bir qruplaşma olduğu, İslama, regional və beynəlxalq sülhə zərbə vurduğu qeyd edilib.

Hesabatın bölmələrində "İŞİD-in fəaliyyətinin İslamla heç bir əlaqəsinin olmadığı", "Quranın quldurluğa haqq qazandırmadığı" və "İŞİD-in İslama ən böyük zərbə olduğu" müddəalarıı yer alır və geniş şərhlə terror təşkilatının yarandığı gündən bu yana keçdiyi qanlı yol ətraflı təhlil edilir.

Ölkə.az