Hindistanda dindarlar tapdalandı
150 mindən çox ziyarətçi sıxlıqla üzləşib
Ölkə.Az "Agence France-Presse"ə istinadən xəbər verir ki, Hindistanın şərqində Şiva məbədinin qarşısında sıxlıq nəticəsində ən azı 10 nəfər ölüb.
Bu barədə məlumat yerli polis orqanları tərəfindən yayılıb. Hadisə səhər saatlarında Carkxand ştatında baş verib. 150 mindən çox ziyarətçi binanın açılışı zamanı ciddi sıxlıqla üzləşib. Nəticədə minimum 10 nəfər dünyasını dəyişib, 15-20 ziyarətçi isə ciddi xəsarətlər alıb.
Polis əlavə edib ki, ölən və yaralananlar uzun növbədə yatıb qalanlar və gözləməyə taqəti olmayanlardır.
Rəşid Mustafazadə
Ölkə.Az
