Lavrov: "Əsədin İŞİD-lə əməkdaşlığına dair sübutlar yoxdur"

"Suriyada baş verənlərin ətrafında çoxlu sayda spekulyasiyalar var"

Ölkə.Az-ın xəbərinə görə, Rusiya Federasiyası xarici işlər naziri Sergey Lavrov bəyan edib ki, Suriya prezidenti Bəşər Əsədli İŞİD terror təşkilatının əməkdaşlığına dair sübutlar yoxdur.

Onun sözlərinə görə, Suriyada baş verənlərin ətrafında çoxlu sayda spekulyasiyalar var.

"Hətta məsələni o həddə təsvvür edirlər ki, guya Əsəd İŞİD-lə əməkdaşlıq eidr. Faktlar yoxdur. Bu heç ola da bilməz, çünki əsas məqsədi Yaxın Şərq, Şimali Afrikada və digər geniş əraziləri zəbt etmək olan təşkilatla əməkdaşlıq etmək mümkünsüzdür", - deyə Lavrov qeyd edib.

Xatırladaq ki, bir neçə gün öncə Con Kerri ilə görüşündə Lavrov Putinin İŞİD-lə mübarizə planı haqqında danışıb. Lavrovun sözlərinə görə, Rusiyanın yaradacağı anti İŞİD koalisiyasına bu təşkilatın fəaliyyətindən ən çox əziyyət çəkən ölkələr də daxil olacaqlar. Lavrov bu ölkələr arasında İraq və Suriyanın adını çəkib və qeyd edib ki, Bağdad və Dəməşq bu kolisiyanın əsas ölkələri olmalıdırlar.

Rəşid Mustafazadə

Ölkə.Az