Ukraynada bu kitablar qadağan olundu

Dezinformasiyanın yayılmasının qarşısını almağa yönəlib

Ölkə.Az xəbər verir ki, Ukraynanın Dövlət televiziya və radio komitəsi ölkə ərazisinə 38 əsərin gətirilməsini qadağan edib.

Qadağan olunmuş siyahıya fantast Fyodor Berezin, Georgiy Savitskiy, Qleb Bobrov, Aleksandr Duqin, tanınmış politoloq Eduard Limonov, Sergey Qlazyev, Aleksandr Dükov, Yuriy Muxin və digər yazıçıların kitabları daxil edilib.

Komitə rəsmisi bildirib ki, bu addım Ukraynada Rusiya təsiri və dezinformasiyanın yayılmasının qarşısını almağa yönəlib.

Xatırladaq ki, Ukraynada silahlı münaqişə 2014-cü ilin yazında başlayıb. O vaxtdan cəbhədə 7 mindən çox adam həlak olub, 17 mindən çox insan yaralanıb. Yüz minlərlə sakin doğma ev-eşiyini tərk etməyə məcbur olub. 2015-ci ilin fevralından Donbasda nisbi sakitlikdir, lakin ara-sıra atəşkəs pozulur və hər iki tərəfdən canlı itkilər verilir.

Rəşid Mustafazadə

Ölkə.Az