Əsədin əmisioğlu həbs olundu
"Süleyman Hilal Əsəd həbs edilərək hökumətə təhvil verilib"
Ölkə.Az xəbər verir ki, Suriya hökuməti prezident Bəşər Əsədin yol-nəqliyyat hadisəsi zamanı hərbi zabiti öldürməkdə ittiham olunan əmisioğlu Süleyman Əsədi həbs edib.
"Süleyman Hilal Əsəd həbs edilərək hökumətə təhvil verilib", - deyə SANA agentliyi məlumat yayıb.
Suriya İnsan Hüquqlarını Müşahidə Mərkəzinin yaydığı məlumata əsasən, Süleyman Əsəd Latakiya və Kardaxa arasında yolda saxlanılıb. Bildirilir ki, prezidentin əmisioğlu ötən cümə axşamı yol-nəqliyyat hadisəsi zamanı hərbi-hava qüvvələrinin polkovniki Həsən Əş-Şeyxi güllələyərək öldürməkdə ittiham olunur.
Hadisə Latakiya vilayətində qeydə alınıb. Şənbə günü 1000-dən çox adam hərbçinin qətlə yetirilməsinə etiraz olaraq küçələrə çıxmışdı.
Rəşid Mustafazadə
Ölkə.Az
