Buş: "İŞİD-in yaranmasında Hillari Klinton günahkardır"

Rəqibini günahlandırdı

Ölkə.Az xəbər verir ki, Respublikaçılar Partiyasından prezidentliyə namizəd Ceb Buş İŞİD terror təşkilatının yaranmasına görə rəqibi demokrat Hillari Klintonu günahlandırıb.

Onun fikrincə, təşkilatın yaranmasına görə məhz Klinton məsuliyyət daşıyır.

"İŞİD ABŞ-ın Yaxın Şərqdən getdiyi və təhlükəni iqnor etdiyi vaxtda yaranıb. Dövlət katibi Klinton nə etdi? Bütün səfərləri zamanı cəmi bir dəfə İraqda oldu", - deyə Buş bildirib.

Hillari Klintona görə ölkə və dünya qlobal cihad təhlükəsi ilə üzləşə bilər.

Xatırladaq ki, bu günlərdə Ceb Buş 2016-cı il prezident seçkilərində qalib gələcəyi təqdirdə İŞİD-lə mübarizə planını açıqlamalıdır.

Rəşid Mustafazadə

Ölkə.Az