Ərdoğan: Türkiyə terrorçularla mübarizəni davam etdirəcək

Türkiyə ölkə ərazisində terrorçu qruplaşmaların tam neytrallaşdırılması üçün fəal tədbirlər həyata keçirəcək.

Bu barədə Türkiyə prezidenti Rəcəb Tayyib Ərdoğan bəyan edib.

“Biz bilirik ki, terrorçular (Kürd Fəhlə Partiyası - PKK) həm ölkə daxilində, həm də kənarda çoxsaylı itkilər veriblər. Biz ölkəmizin təhlükəsizliyinə həmçinin təhdid olan “İslam dövləti”nə qarşı da əməliyyatlar həyata keçirmişik. Bu qruplaşmalar arasında heç bir fərq yoxdur – terrorçular terrorçulardır.

Biz Türkiyə ərazisində təhlükə yox olana və bir dənə də olsun terrorçu qalmayana qədər mübarizəni davam etdirəcəyik”, - Ərdoğan ölkənin Baş Qərargahın keçmiş rəisi general Necdət Özələ dövlət mükafatının təqdim olunması zamanı deyib.  (oxu.az)

Ölkə.Az