NATO və Rusiya arasında qarşıdurma gözlənilir

"Əməliyyatların miqyası və təbiəti bunun əksini deyir"

Ölkə.Az-ın xəbərinə görə, "European Leadership Network" mütəxəssisləri bəyan edib ki, hərbi təlimlərin miqyası NATO və Rusiyanın qarşıdurmalara hazırlaşdığından xəbər verir.

Mərkəzin mütəxəssisləri bu ilin mart və iyun aylarında Rusiyanın 80 min, NATO-nun 15 min insanın iştirakı ilə həyata keçirdiyi təlimləri analiz edib.

"Qoy, rəsmi şəxslər iddia etsin ki, təlimlər yalnız fərz olunan opponentlərlə müqavimətə yönəlib, ancaq əməliyyatların miqyası və təbiəti bunun əksini deyir", - deyə hesabatda qeyd olunub.

Müəlliflərin fikrincə, Rusiya və NATO təlimlərinin təbiəti tezliklə müharibənin olacağı anlamına gəlməsə də, Avropada vəziyyətə mənfi təsir göstərir.

Xatırladaq ki, 16-21 mart tarixlərində Rusiyada plandankənar hərbi hazırlığın yoxlanması keçirilib. 8-19 iyunda isə Polşa, Litva, Latviya, Estoniya ərazilərində NATO-nun Saber Strike-15 təlimləri baş tutub.

 

Rəşid Mustafazadə

Ölkə.Az