Ermənilər Zəngəzurda yolu kəsdilər

Bu gün səhər saat 07:30-dan etibarən 50-dən artıq Kacaran sakini Zəngəzur mis-molibden zavodunun inzibati binası qarşısında yolu bağlayaraq etiraz aksiyası keçirib. 

“Ölkə.Az” xəbər verir ki, bu barədə “Aravot” qəzeti məlumat yayıb.

Etirazçılar əvvəlcə zavoda gedən yolu bağlayıb, işçilərin avtomobillə əraziyə daxil olmasına mane olublar, daha sonra polislə aparılan danışıqlar nəticəsində yol açılıb.

Aksiya iştirakçıları kombinat rəhbərliyindən Kacaran sakinlərinə kompensasiya ödənilməsi, sağlamlıqlarının bərpası, ordudan tərxis olunan gənclərin, eləcə də 2021-ci ildə işdən çıxarılan kacaranların işlə təmin olunmasını tələb ediblər.

Zavodun həmkarlar ittifaqının sədri Tiqran Sarkisyan etirazçılarla görüşərək 5 nəfərdən ibarət nümayəndə heyəti formalaşdırıb, zavod rəhbərliyi ilə görüşməyi onlara təklif etsə də, rədd cavabı alıb. Aksiya iştirakçıları bildiriblər ki, soyuqdan donurlar, rəhbərlik isti kabinetlərindən çıxıb, hadisə yerinə gəlsin və sualları cavablandırsın.

Mürtəza
Ölkə.Az