ABŞ-dan Ukraynaya pis xəbər

“M1 Abrams” tanklarını Ukraynaya göndərməyə qərar verən ABŞ-dan yeni açıqlama gəlib.

Ölkə.Az xarici KİV-ə istinadla xəbər verir ki, bu barədə ABŞ Müdafiə Nazirliyinin mətbuat katibinin müavini Sabrina Sinq danışıb. 

“ABŞ-ın artıq tankları yoxdur, Ukrayna üçün yeni tanklar alınacaq və bu səbəbdən “M1 Abrams” tanklarının Ukraynaya göndərilməsi aylar çəkəcək”.

Tankların Ukrayna Təhlükəsizliyə Dəstək Fondundan (USAI) təmin olunacaq pulla alınacağını bildirən Sinq bu tankların təlim, texniki xidmət və baxım proseslərini müəyyən etmək üçün işlərin davam etdiyini söyləyib.

Qeyd edək ki, ABŞ administrasiyası Almaniyanın Ukraynaya “Leopard 2” tanklarının verilməsi ilə bağlı Almaniyanın narahatlığını aradan qaldırmaq üçün “M1 Abrams” tanklarını göndərəcəyini açıqlasa da, vaxt barədə məlumat verilməmişdi.

Billurə