Baş nazirin müşaviri qeyri-adi səbəbdən istefa verdi

İsveç baş naziri Ulf Kristerssonun müşaviri Peter Maqnus Nilsson istefa verib.

Ölkə.Az xəbər verir ki, Nilsson sosial media hesabından verdiyi açıqlamada məsləhətçi vəzifəsindən ayrıldığını açıqlayıb.

Belə ki, onun qeyri-qanuni olaraq ilan balığı ovlaması üzə çıxıb. 

Nilsson İsveç Dəniz və Su Təsərrüfatı agentliyinin qeyri-qanuni balıq ovu ilə bağlı təşkil etdiyi əməliyyatda yaxalanıb. Hadisə yanvarın 18-də mətbuatda dərc olunub.

Qeyd edək ki, İsveçdə nəsli kəsilməkdə olan ilan balığının ovlanması lisenziyalı balıqçılar istisna olmaqla, 2007-ci ildən qadağan edilib.

Xatırladaq ki, P.M.Nilsson 20 oktyabr 2022-ci ildə baş nazir Ulf Kristerssonun müşaviri təyin edilmişdi.

Günay