Yeni Zelandiyada daşqınlar nəticəsində ölənlərin sayı artıb

Yeni Zelandiyanın Oklend şəhəri yaxınlığında baş verən daşqınlar nəticəsində ölənlərin sayı 4 nəfərə çatıb. "Ölkə.az" xəbər verir ki. bu barədə "Radio New Zealand" məlumat yayıb.

Polis cümə günü sel sularının apardığı bir kişinin cəsədini tapdıqdan sonra ölənlərin sayı yenilənib. Daha əvvəl üç nəfərin öldüyü və bir nəfərin itkin düşdüyü barədə məlumat verilmişdi.

Polis bildirib ki, şəxsiyyəti müəyyənləşdirmə hələ tamamlanmasa da, ölən şəxsin itkin düşdüyü ehtimal edilir. Onun cəsədi dron tərəfindən sonuncu dəfə göründüyü yerdən təxminən 1 km aşağıda tapılıb.

Yanvarın 27-də güclü yağışlar və daşqın təhlükəsi səbəbindən Oklenddə fövqəladə vəziyyət elan edilib. Təkcə yanvarın 27-də şəhərə 260 mm-dən çox yağış yağdığından, şəhərin qərb rayonlarının sakinlərindən mümkün evakuasiyaya hazırlaşmaq xahiş olunub.

Elvin

Ölkə.az