Çində partlayışın fəsadları
Ölənlərin sayı 50-yə çatıb
Xəbər verdiyimiz kimi, 12 avqustda Çinin liman Tyansin şəhərində saat 23:30 radələrində Binhai rayonunda logistika şirkətinin anbarında aralarında 30 saniyə fərq olan iki güclü partlayış baş verib.
Partlayış nəticəsində ölənlərin sayı 50-yə çatıb, yaralanların sayı isə 700-ü keçib. Ölənlər arasında yanğınsöndürən xidmətinin 12 əməkdaşı var, 21 nəfər isə itkin düşüb.
Partlayışlar yanğına səbəb olub və nəticədə, təxminən 20 min kvadrat metr sahə yanıb.
Faciənin səbəbləri hələ ki məlum deyil. Bəzi iddialara əsasən, hadisəyə səbəb logistika şirkətinin təhlükəsizlik sisteminin problemləridir. Sözügedən şirkətin rəhbərliyi tutulub. Avropa İttifaqı və Rusiya Federasiyası Çinə yardım etməyə hazır olduqlarını bildiriblər.
Həmin faciənin fəsadlarını əks etdirən foto və videoları sizə təqdim edirik:
Ölkə.Az
