Ofisindən tapılan məxfi sənədlər Baydenin sonunu gətirəcək - İDDİA

Kobud səhvləri ilə məşhur olan ABŞ pPrezidenti Co Baydenlə bağlı yeni iddia ortaya atılıb.

Ölkə.Az xarici KİV-ə istinadla xəbər verir ki, köhnə ofisindən məxfi sənədlər tapılan Baydenin başının bəlada olduğu bildirilir.

Məlumata görə, tapılan sənədlər arasında Baydenin oğlunun rüşvət qalmaqalına dair sübutlar ola bilər.

Bu barədə 90-cı illərin səs-küylü “Monica Lewinsky qalmaqalı”nın memarı, Bill Kilintonun keçmiş məsləhətçisi Dik Morris danışıb.

“Bu, Bayden üçün hər şeyin sonu olacaq”,- deyə o söyləyib.

NBC-nin sorğusuna görə, amerikalıların 67%-i həm Baydenin, həm də Trampın məxfi sənədləri evdə saxlamasından narahatdır.

Qeyd edək ki, bundan əvvəl ABŞ Prezidenti Co Baydenin ofisindən Barak Obama administrasiyası dövrünə aid məxfi sənədlər tapılıb.
Həmçinin, Baydenin Vilminqton şəhərindəki evində də məxfi sənədlər toplusu aşkar edilib.

Baydenin şəxsi müşaviri Riçard Sauber ofisdən çox az sayda gizli sənəd tapıldığını və dərhal dövlətin arxiv idarələri ilə əlaqə yaradıldığını deyib.

Billurə