\"Vaşinqton Post\"dan YPG etirafı: dərhal sildilər - FOTO

ABŞ PKK-nı terror təşkilatı kimi tanıdığını, hər dəfə YPG-yə dəstək verdiyini desə də, bu dəfə ABŞ mətbuatı onları ələ verib.

Ölkə.Az “Star” qəzetinə istinadla xəbər verir ki, bu ölkənin aparıcı media orqanlarından “The Washington Post”da dərc olunan xəbərdəki fotonun altında yazılan ifadə diqqət çəkib.

ABŞ Xüsusi Təyinatlı Qüvvələrində qadınların üzləşdiyi çətinliklərdən, ayrı-seçkilik və təzyiqlərdən bəhs edən xəbərdəki fotoşəklin altında etiraf kimi ifadələr yer alıb:

“ABŞ qüvvələri PKK, Kürdüstan Fəhlə Partiyasınına sentyabrda hərbi təlimlər keçsə də,  ABŞ-ın seçilən hərbi birləşmələrindəki qadınlar illər əvvəl Xüsusi Qüvvələrə verilən inteqrasiya əmrinə baxmayaraq hələ də maneələrlə qarşılaşır”.

Təhlükəsizlik və terror fəaliyyətlərini araşdıran professor Brus Hoffman sosial şəbəkələrdə sözügedən xəbərlə bağlı paylaşım edib.

“Bugünkü "Washington Post"un ikinci səhifəsində fotoşəkilin başlığına baxın. Həqiqətənmi ABŞ Xüsusi Təyinatlı Qüvvələri ABŞ Dövlət Departamentinin 1997-ci ildən bəri xarici terror təşkilatı siyahısına salınan PKK-ya hərbi təlim keçir? Məncə/ Ümid edirəm ki, YPG və ya SDQ-dəki kürd qüvvələridir”,- deyə o yazıb.

Digər tərəfdən qəzetin çap variantında istifadə edilən fotoşəkil internet saytındakı xəbərlərdən çıxarılıb, onun yerinə Pentaqon binasının fotosu yerləşdirilib.

Billurə