Pakistanda “Atatürk” hərbi təlimləri 

Pakistanın Hayber Paxtunxva əyalətində Türkiyə-Pakistan birgə “Atatürk-2023” hərbi təlimləri başlayıb.

“Ölkə.Az” “Anadolu”ya istinadən xəbər verir ki, Pakistan Silahlı Qüvvələrinin komandanlığının yaydığı məlumata görə, Tarbela bölgəsində təlimlər iki həftə davam edəcək.

Təlimlərin məqsədi terrorizmlə mübarizədə birgə addımların işlənib hazırlanmasıdır.

“1998-ci ildən bu yana iki ölkənin xüsusi təyinatlı bölmələrinin iştirakı ilə növbə ilə Türkiyə və Pakistanda birgə təlimlər keçirilir.

Türkiyədə keçirilən zaman təlimlər “Cinnah”, Pakistanda isə “Atatürk” adlanır.

Mürtəza
Ölkə.Az