Quql xəritə ilə dövlətə qarşı 17 milyardlıq soyğun etdilər - FOTO
Böyük Britaniyada Əmək və Pensiya Nazirliyinə (DWP) qarşı keçən il 8,5 milyard funt-sterlinq (təx. 17 milyard 833 milyon manat-red.) məbləğində dələduzluq edilib.
Ölkə.Az “The Sun” qəzetinə istinadla xəbər verir ki, saxtakarlıq edənlər İngiltərədə yaşamadıqları halda dövlət yardımından yararlanmaq istəyənlər olub.
Nazirlik rəsmiləri şübhəlilərdən İngiltərədə yaşadıqlarını sübut etmələrini istəyib. Təqdim olunan fotoşəkillər nəzərdən keçirilib. Həmin şəxslərin “Google”un xəritələr proqramındakı şəkilləri oğurladıqları və özlərini fotoşop ilə montaj etdikləri müəyyən edilib.
Bir analitik eyni yaşıl qapının qarşısında birdən çox fotoşəkil çəkilməsinin təsadüf olmadığını düşünəndə fırıldaq üzə çıxıb. Səlahiyyətlilər beləliklə, 172 min saxta müraciətin və 2 milyard funt sterlinq məbləğində fırıldaqçılığın da qarşısının almağa nail olublar.
Nazirliyə ziyan vuranların böyük əksəriyyətinin dəstə ilə əlaqəli olduğu düşünülür.
Fidan
