Ukrayna, Moldova və Gürcüstanın gələcəyi bundadı - Aİ

Ukrayna, Moldova və Gürcüstanın gələcəyi Avropa İttifaqındadır (Aİ).

“Ölkə.Az” xəbər verir ki, bu barədə məlumat Aİ Şurasının dünən dərc etdiyi “Aİ-nin Avropa Şurası ilə 2023-2024-cü illər üçün əməkdaşlığının prioritetləri üzrə nəticələr” sənədində əksini tapıb. 

“Aİ-yə üzvlük perspektivi Avropada sabitliyin mühüm amilidir və Avropa Şurası onu gücləndirməkdə davam edir. Avropa Şurası 23 iyun 2022-ci ildə Ukrayna, Moldova və Gürcüstanın Avropa perspektivini tanıyıb. Bu ölkələrin və onların vətəndaşlarının gələcəyi Avropa İttifaqındadır. Bu, həmin ölkələrə və bütövlükdə regionda insan hüquqları, demokratiya və qanunun aliliyi sahəsində gələcək tərəqqiyə yeni təkan verir”, - deyə hesabatda bildirilir. 

Sənəddə deyilir ki, Aİ Qərbi Balkanlar və Şərq Tərəfdaşlığı ölkələrində islahatlar prosesində mühüm institutların uyğunlaşdırılması və potensialının artırılmasına dəstək verməkdə Avropa Şurasının mühüm rolunu tanıyır.

Mürtəza
Ölkə.Az