ABŞ-nin Rusiyadakı səfirini binaya buraxmaq istəmədilər, etirazla qarşılandı - VİDEO

ABŞ-nin Moskvadakı yeni səfiri Lin Treysi təyin olunduqdan sonra ilk dəfə bazar ertəsi Rusiya Xarici İşlər Nazirliyinə gedib. 

“Ölkə.Az” xəbər verir ki, səfiri nazirliyin binası qarşısında etiraz aksiyası ilə qarşılayıblar. Etirazçılar onun avtomobilini mühasirəyə alaraq “Amerika terrorist ölkədir!”, “Niyə gəlmisən?” və digər şüarlar səsləndirib, ondan açıqlama gətirməsini tələb ediblər. Lakin o, hər hansı açıqlama vermədən ciddi mühafizə altında nazirliyin binasına daxil olub.

Treysi orada xarici işlər nazirinin müavini Sergey Ryabkovla görüşüb, amerikalı diplomata etimadnamənin surətləri təqdim edilib və de-fakto öz vəzifəsinin icrasına başlayıb. Treysi yanvarın 26-dan Rusiyadadır.

Treysi ABŞ-ın Rusiyadakı səfiri vəzifəsində çalışan ilk qadındır. O, karyera diplomatıdır. Bundan öncə o, ABŞ-nin Ermənistandakı diplomatik missiyasına rəhbərlik edib. 

Mürtəza
Ölkə.Az