Şimali Koreyada prezidenti "güllələyirlər"
"Amerika imperialistlərinə ölüm"
Ölkə.Az xəbər verir ki, Koreya Xalq Demokratik Respublikasında Cənubi Koreya liderinin portreti əsgərlər üçün nişangah əvəzi istifadə olunub.
Şimali Koreyanın rəsmi televiziya kanalı Koreya xalq ordusunun əsgər və zabitlərinin Sinçxon şəhərində yerləşən Amerika hərbi cinayətləri muzeyinə səfərdən bəhs edən veriliş yayımlayıb. Verilişdə silahlarla davranış qaydaları və nişanalma texnologiyasından bəhs edilib.
Kadrlarda Cənubi Koreya prezidenti Pak Kın Heni xatırladan portretin nişangah yerində olmasını görmək mümkündür. Arxa planda isə "Amerika imperialistlərinə ölüm" şüari yerləşdirilib.
Ölkə.Az
