"Charlie Hebdo" dan növbəti qalmaqallı karikatura

Maira Elizabet karikaturanı axmaq və iyrənc adlandırıb

Ölkə.Az xəbər verir ki, Fransanın "Charlie Hebdo" satirik jurnalı 2014-cü ilin martında yoxa çıxan Malaziya Hava Yollarına məxsus MH370 reysinə aid "Boeing 777" təyyarəsinin qalıqları barədə karikatura yayımlayıb.

"the Malaysian Insider"in xəbərinə görə, həlak olmuş stüardın 18 yaşlı qızı Maira Elizabet karikaturanı axmaq və iyrənc adlandırıb. Onun fikrincə bu, kənardan qeyri-etikdir, çünki hər şeyi və hər kəsi təhqir edir.

Digər sərnişinlərin də qohumları karikaturaya etirazlarını ifadə ediblər.

Ötən ilin martın 8-də Malaziyanın paytaxtı Kuala-Lumpur şəhərindəki beynəlxalq hava limanından səmaya qalxaraq MH370 reysi ilə Pekinə uçan təyyarə uçuşun 2-ci saatında radarlardan itmişdi. Yoxa çıxan təyyarədə 227 sərnişin və 12 nəfər heyət üzvü olub.

Bir müddət öncə Hind okeanında “Malaysia Airlines” şirkətinə məxsus, 2014-cü ilin martında itkin düşmüş “Boeing 777” təyyarəsinin qalıqları tapılmışdı.

Xatırladaq ki, yanvarın 7-si 2015-ci ildə "Charlie Hebdo" satirik jurnalı Məhəmməd Peyğmbərin karikaturalarına görə hücuma məruz qalıb. Nəticədə, 12 nəfər dinc əhali və jurnalın baş redaktoru həlak olub.

Rəşid Mustafazadə

Ölkə.Az