ABŞ-da gizli sənəd axtarışı davam edir: bu dəfə onun evini axtaracaqlar

Federal Təhqiqatlar Bürosu (FTB) yaxın günlərdə ABŞ-ın keçmiş vitse-prezidenti Maykl Pensin İndiana ştatındakı evində axtarış aparmaq niyyətindədir. "Ölkə.az" xəbər verir ki, bu barədə "The Wall Street Journal" məlumat yayıb.

Məlumata görə, FTB Pensin evində “gizli” qeyd olunan hər hansı materialı axtaracaq. Hazırda ABŞ Ədliyyə Nazirliyi keçmiş vitse-prezidentin vəkilləri ilə axtarışın vaxtı ilə bağlı danışıqlar aparır.

Yanvarın sonlarında Pensin İndiana ştatının Karmel şəhərindəki evində gizli sənədlər aşkarlanıb. CNN bildirir ki, sənədləri onun vəkili aşkar edib. Daha sonra materiallar FTB-yə təhvil verilib. CNN mənbələrə istinadən bildirib ki, Penslə bağlı əvvəllər aşkar edilmiş məxfi sənədlərdə onun xarici səfərlərdə ehtiyac duyduğu məlumatlar var.

Elvin

Ölkə.az