Kadırov niyə yüksək vəzifələrə qohumlarını təyin edir? - Qəribə CAVAB

Çeçenistan rəhbəri Ramzan Kadırov bildirib ki, onun yüksək vəzifələrdə çalışan qohumları tutduqları vəzifələrə layiq olmaq üçün onlarla dəfə çox işləməli olurlar.

Publika.az xəbər verir ki, bu barədə o, teleqram kanalında yazıb.

“Mənim qohumlarım hər hansı qurumda, hansı vəzifədə olursa olsun, onlar on dəfə çox çalışırlar. Çünki onlar sübut etməlidirlər ki, mənim sayəmdə deyil, mənə rəğmən işləyirlər. Kimə güvənirəm, onu da təyin edirəm”, - Kadırov qeyd edibş.

O, həmçinin bildirib ki, Çeçenistanda qanun hər şeydən üstündür. Kadırovun sözlərinə görə, o, işçilərin işində nəticələri və fədakarlığı yüksək qiymətləndirir.