Türkiyədəki güclü zəlzələ qonşu ölkələrə də sirayət etdi: Suriyada 574 nəfər öldü
Zəlzələ nəticəsində Suriyada həyatını itirənlərin sayı 574-ə çatıb.
Ölkənin Səhiyyə Nazirliyindən verilən açıqlamaya görə, Hələb, Tartus, Həma və Lazkiyada hiss edilən 7,7 maqnitudalı zəlzələdə 371 nəfər ölüb, 1089 nəfər yaralanıb. Suriyalı müxalifətçilərin nəzarətində olan bölgələrdə isə 203 nəfərin zəlzələ nəticəsində öldüyü, yüzlərlə sakinin yaralandığı bildirilir.
Zəlzələnin hiss edildiyi başqa bir ölkə - Livanın daxili işlər naziri Besam Mevlevinin sözlərinə görə isə ölkədə təbii fəlakət nəticəsində insan itkisi qeydə alınmayıb. O bildirib ki, bir neçə binada çat yaranıb.
***
Suriyada zəlzələ nəticəsində ölənlərin sayı 237-yə yüksəlib, 639 nəfər yaralanıb.
“Ölkə.Az” xəbər verir ki, bu baədə Suriya Səhiyyə Nazirliyi məlumat yayıb.
Bundan öncə 111 nəfərin öldüyü, 516 nəfərin yaralandığı bildirilirdi.
“Hələb, Latakiya, Hama və Tartus əyalətlərində 237 nəfər ölüb, 639 nəfər yaralanıb”, - Suriya Səhiyyə Nazirliyinin açıqlamasında bildirilir.
Türkiyənin Kahramanmaraş vilayətində saat 04.17-də 7,4 bal gücündə zəlzələ baş verib və bir sıra şəhərlərdə dağıntılara səbəb olub. Suriyanın bir neçə bölgəsində də dağıntılar olduğu bildirilir və zəlzələ Livanın paytaxtı Beyrutda da hiss olunub.
Mürtəza
Ölkə.Az
***
Türkiyənin Kahramanmaraş şəhərində baş verən 7,4 bal gücündə zəlzələ Suriyada da hiss olunub.
“Ölkə.az” xəbər verir ki, Suriyada zəlzələ nəticəsində 100-dən çox insan həlak olub.
Dağıntılar arasından 400 yaralı çıxarılıb. Həlak olanların əsas olaraq Hələb, Hama və Lazkiye şəhərlərinin sakinləri olduğu bildirilir.
