Qulu Məhərrəmli AzTV-dən gileyləndi: "Təzə-təzə ləkələr yazır..."

"AzTV dünənki “Səhər”in efirində verilişin 20 illik yubileyi üzərindən sükutla keçdi..."

Ölkə.Az xəbər verir ki, dünən Azərbaycan televiziyasının (AzTV) və bütövlükdə teleməkanımızın baxımlı verilişlərindən biri olan “Səhər” proqramının yayıma başlamasının 20 ili tamam olur.

Veriliş 1995-ci il avqustun 14-də efirə çıxıb və bu günədək təxminən 7 minə yaxın buraxılışı ekranda olub.

“Səhər”in ilk aparıcısı və on iki il müddətində proqramın rəhbəri olmuş Qulu Məhərrəmli AzTV-nin bu gün efirə gedən buraxılışında qısa məlumatla kifayətlənərək, əlamətdar yubileyi qeyd etməməsindən gileylənib.

Bu barədə o, "Facebook" hesabında aşağıdakıları yazıb:

"AzTV dünənki “Səhər”in efirində verilişin 20 illik yubileyi üzərindən sükutla keçdi, bu sənət və mədəniyyət faktının əhəmiyyətsiz olduğunu anlatmaq istədi, təəssüfləndim. Səbəbi hər kəsə məlum: keçmişi olmayanlar və keçmişindən xoflananlar tarixə nifrət edir. Amma dünəninə nifrət günahları yumur, ləkələri azaltmır, əksinə adamın vicdanına (qalıbsa) təzə-təzə ləkələr yazır. Bu qısa sület-çarxın yaddaşları təzələyəcəyinə əminəm...", - deyə Məhərrəmli qeyd edib.

Onun paylaşdığı videonu sizə təqdim edirik:

Rəşid Mustafazadə

Ölkə.Az