Bütün dünya türkiyəli bu atadan danışır: qızının əlini buraxmadı - FOTO

Bütün dünyanın Türkiyədəki zəlzələdən danışdığı bir vaxtda zəlzələ ocağı Kahramanmaraşda çəkilən bir foto gündəmi zəbt edib.

Ölkə.Az xəbər verir ki, söhbət zəlzələ zonasından AFP (Agence France-Presse) agentliyinin fotoqrafının çəkdiyi görüntülərdən gedir.

Agentlik yaşlı bir atanın fotosunu yayımlayaraq ölən 15 yaşlı qızının əlini buraxmadığını yazıb.

AFP həmçinin dağıntılar altında ölən qızın adının Irmak olduğunu qeyd edib.

Daha sonra bir çox xəbər saytları sözügedən fotonu oxucuları ilə bölüşüb.

“Məsud Hançer adlı ata 15 yaşlı qızı Irmakın əlini buraxmadı”,- deyə xəbərlərdə qeyd edilib.

Xatırladaq ki, fevralın 6-da Türkiyənin Gaziantep şəhərində 6.5, Kahramanmaraş şəhərində isə 7.4 və 7.7 bal gücündəki zəlzələlər böyüq miqyasda dağıntı və tələfata səbəb olub.Təbii fəlakət Türkiyənin 10 vilayətində 13,5 milyon insana təsir göstərib. 

Billurə