Suriyadakı zəlzələ nəticəsində ölənlərin sayı 2 mini keçib - YENİLƏNİB

Suriyadakı zəlzələ nəticəsində ölənlərin sayı 2032-yə çatıb.

"Report" xarici KİV-ə istinadən xəbər verir ki, bu barədə Beynəlxalq Qızıl Xaç Komitəsinin (BQXK) Suriyadakı nümayəndəliyindən bildirilib.

Məlumata görə, həmçinin 5 minə yaxın ailə evlərini itirib, 50 min ailənin təcili yardıma ehtiyacı var.

Ölən və yaralananların sayının daha da artacağı gözlənilir.

Qeyd edək ki, fevralın 6-da Türkiyədə qeydə alınan 7,7 maqnitudalı zəlzələ Suriyanın şimal bölgələrində də dağıntılara yol açıb.

***
Suriyada baş verən 7,7 bal gücündə zəlzələ 1250 nəfərin həyatına son qoyub. 

Ölkə.az xəbər verir ki, bu barədə ölkənin Səhiyyə Nazirliyi məlumat yayıb.

Məlumata görə, Suriyanın Latakiya, Hələb, Həma və Tartus şəhərlərində baş verən zəlzələ nəticəsində yaralıların isə 2054-ə çatıb.

Hazırda zəlzələ baş verən şəhərlərdə xilasetmə işləri aparılır.