Türkiyədə növbəti zəlzələ baş verdi - YENİLƏNİB
Malatya şəhərində, Küçüklü-Doğanşehir rayonunda 5,5 maqnitudalı zəlzələ olub.
Kandilli rəsədxanasının məlumatına görə, zəlzələ ocağı 5 km dərinlikdə yerləşib.
#DEPREM
— Kandilli Rasathanesi (@Kandilli_info) February 8, 2023
KUCUKLU-DOGANSEHIR (MALATYA) //t.co/frsOFPn091
08.02.2023, 14:11:50 TSİ
Büyüklük: 5.5
Derinlik: 5.0 km#Kandilli
***
Türkiyənin mərkəzi hissəsində 4,6 bal gücündə yeni zəlzələ qeydə alınıb.
Bu barədə Avropa-Aralıq dənizi Seysmoloji Mərkəzi məlumat yayıb.
“Zəlzələ Türkiyə vaxtı ilə 08:52-də, dağıdıcı zəlzələnin episentri olan Kahramanmaraş şəhərindən 58 kilometr şimal-qərbdə və Afşin qəsəbəsindən 26 km aralıda qeydə alınıb”, - Seysmoloji Mərkəzin məlumatında qeyd olunub.
***
Türkiyədə növbəti zəlzələ hadisəsi qeydə alınıb.
Ölkə.az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) rəsmi tviter səhifəsində məlumat yayıb.
Bildirilib ki, Rixter şkalası ilə 4.3 balla qiymətləndirilən yeraltı təkan Adıyaman vilayətinin Çelikhan rayonunda baş verib.
Zəlzələnin ocağı yerin 7 kilometr dərinliyində yerləşib. İtki və dağıntılar barədə məlumat verilməyib.
Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Təbii fəlakət zamanı ölənlərin sayı 6234 nəfərə çatıb. Son məlumatlara görə, yaralı sayı 37 011 nəfərdir.
