Bu tutuquşu həbs olundu

Hindistanda olduqca qəribə olay yaşanıb.

Ölkə.Az xəbər verir ki, Hindistanın Maharaştra əyalətində bir tutuquşu yaşlı qadını təhqir etdiyi üçün polis tərəfindən saxlanılıb. Hindistan mediasında yer alan xəbərlərə görə, Suruş Sakharkar adlı bir şəxs ögəy anasını söyməsi üçün 2 il tutuquşusunu öyrədib. Tutuquşunun onu təhqir etməsindən bezən 85 yaşlı qadın polisə şikayət edib. Şikayətdən dərhal sonra tutuquşu və oğlan polis tərəfindən saxlanılıb.

Qadınla oğlanın arasında mülk davası olduğu üçün bu cür olaylar yaşandığı bildirilir. Polis əməkdaşları bildirib ki, tutuquşu polis bölməsində olduğu müddətdə ağzını belə açmayıb.

Yaşlı qadının psixoloji durumuna mənfi təsir etdiyi bildirilərək, tutuquşunu heyvan qurumlarından birinə təhvil veriblər.

Ölkə.Az