Şəhidin telefonuna morqda zəng gəldi: “Annem” arıyor...
Türkiyənin Siirt bölgəsində kürdlərin terrorçu PKK təşkilatının Siirt-Pervari yoluna basdırdığı fuqasın partladılması zamanı həmin an yoldan keçən hərbi avtomobildəki 8 əsgər şəhid olmuşdu. Şəhidlərdən biri də Recep Beycur idi.
Ölkə.Az Hürriyet-ə istinadən bildirir ki, R.Beycurun cəsədi Siirt Dövlət Xəstəxanasının morquna aparılıb. Bu zaman morqda telefon zənginin səsi eşidilib.
Telefonun ekranında "Annem arıyor" yazılmışdı.
Şəhidin telefonuna gələn zəngə cavab verməyə kimsə cəsarət etməyib. Ana isə şəhid oğluna uzun-uzadı zəng vurub.
Həkim Veysel Akkoyun deyib: "Şəhidin telefonuna zəng gələndə komandir baxdı, "Annem arıyor" yazısını görəndə cavab vermədi. 2-3 zəngdən sonra komandir telefonun "məşğuldur" düyməsini basdı. Telefona zəng gələndə otaqda 4 hərbçi vardı. Hamısı bir-birinin üzünə baxıb susurdu... Kim bilir, anası şəhid olduğunu bilmədiyi oğluna nə ümidlərlə zəng vurmuşdu".
Ölkə.Az
