Media qrupunun rəhbərinə silahlı hücum edildi

Türkiyənin ən böyük media holdinqlərindən biri olan "Star Media Group"un rəhbəri silahlı hücuma məruz qalıb.

Ölkə.az Türkiyə mediasına istinadən xəbər verir ki, "Star Media Group"un rəhbəri Murad Sancağın avtomobili İstanbulda maskalı iki terrorçu tərəfindən avtomat silahdan atəşə tutulub.

Məlumata görə, Sancağın avtomobili zirehli olduğundan güllələr ona zərər verməyib. Terrorçular atəş açdıqdan sonra hadisə yerindən başqa avtomobillə qaçıblar.

İlkin versiyaya görə, media rəhbəri PKK terrorçularının hücumuna məruz qalıb.

Ölkə.az