İnflyasiya Belarusu da vurdu

Belarusun milli valyutası Belarus rublu (Br) xarici valyutalara nisbətdə ucuzlaşmağa başlayıb.

Ölkə.az xəbər verir ki, bu gün Minsk valyuta fond birjasında Belarus rublu öz mövqelərini cüzi də olsa möhkəmləndirib. Amma analitiklər fəlakətin geridə olduğunu bildirirlər.

Belə ki, bu ayın əvvəlindən, uzun müddətdir sabit qalan Belarus rublu dollara nisbətdə 7,7%, avroya nisbətdə isə 9,1% ucuzlaşıb. Rus rubluna nisbətdə isə Belarus valyutası 1% bahalaşıb.

Gələn aylarda ekspertlər Belarus rublunun inflyasiyasının ikirəqəmli ədədlə ölçüləcəyini deyirlər. Çünki əsas ticarət partnyoru olan Rusiyanın dərin iqtisadi böhran yaşaması Belarusun vəziyyətini həddən artıq ağırlaşdırıb. Mallarının əsas ixrac bazarı olan Rusiyadakı ağır iqtisadi durum Belarus istehsalçılarını çətin vəziyyətə salıb.

Ekspertlər üzümüzə gələn aylarda Belarusda inflyasiyanın ikirəqəmli ədədlə ölçüləcəyini poqnozlaşdırırlar.

Xatırladırıq ki, Avropa ölkələrinin Belarusla yüksək səviyyədə heç bir iqtisadi əlaqəsi yoxdur.

Ölkə.az