ABŞ İranla MAQATE arasındakı sazişin əleyhinə çıxdı

ABŞ Dövlət Departamenti MAQATE ilə İran arasında Parçin nüvə obyekti üzrə əldə olunmuş razılığın əleyhinə çıxıb.

Ölkə.az ABŞ mediasına istinadən xəbər verir ki, departament sözçüsü Con Kirbi MAQATE-ni tənqid edib.

"MAQATE öz işlərinin öhdəsindən lazımınca gəlmir. ABŞ-ın nüvə ekspertləri agentliyin İranın nüvə proqramındakı hərbi təmüyüllü tendensiyanı araşdırmaq üçün texniki planının olmasından əmindirlər. İran əvvəllər nüvə silahı düzəltməyi planlaşdırıb", deyə Kirbi bildirib.

Bununla da ABŞ rəsmisi İranla MAQATE arasında gizli anlaşmanın olduğunu həm təsdiq edib, həm də buna münasibət bildirib.

Xatırladırıq ki, uzun illərdir İranla ABŞ başda olmaqla Qərb ölkələri arasında davam edən nüvə danışıqlarında bu yaxınlarda ilkin razılıq əldə olunmuş və İrana nüvə proqramını dayandırmaq qarşılığında beynəlxalq embarqonun qaldırılması vəd olunmuşdu.

Ölkə.az