Rusiya devalvasiyanın qarşısını ala bilmir

Rusiyanın milli valyutası rubl ucuzlaşmaqda davam edir.

Ölkə.az Moskva Banklararası Valyuta Birjasının məlumatlarına istinadən xəbər verir ki, rublun bu gün üçün müəyyən edilmiş məzənnəsi 1 dollar - 68,15 rubl, 1 avro - 76,88 rubl olub.

Analitiklərin fikrincə Mərkəzi bank artıq devalvasiyanın qarşısını ala bilmir. Bir tərəfdən neftin qiymətlərinin ucuzlaşması, digər tərəfdən geosiyasi arenada ehtirasların qızışması dolların bahalaşmasına gətirib çıxarır.

Xatırladırıq ki, dollar və avronun bahalaşması yalnız Rusiyada deyil, həmçinin Türkiyə, Belarus, Qazaxıstan və hətta uzaq Asiyanın bir çox ölkələrində də müşahidə olunub.

Azərbaycanda isə manatın məzənnəsi hələlik sabitdir.

Ölkə.az