Kissincer: İranla Səudiyyə Ərəbistanının yaxınlaşması strateji balansın dəyişməsidir

ABŞ-nin keçmiş dövlət katibi Henri Kissincer İran və Səudiyyə Ərəbistanının yaxınlaşmasını strateji balansın dəyişməsi adlandırıb.

“Ölkə.Az” xəbər verir ki, bu barədə “The Washington Post” yazır.

“Çin son illərdə dünya nizamının yaradılmasında iştirak etməli olduğunu bəyan edib. İndi o bu istiqamətdə mühüm addım atıb”, - Kissincer deyib.

O əlavə edib ki, məhz Çinin səyləri nəticəsində əvvəllər barışmaz düşmənlər arasında diplomatik münasibətlərin qurulmasına dair razılaşma mümkün olub.

Məqalənin müəllifi, köşə yazarı Devid İqnasisin fikrincə, Yaxın Şərqdəki vəziyyət ABŞ-nin artıq “bölgədə əvəzolunmaz güc” olmadığını göstərir.

 Mürtəza
Ölkə.Az