NATO-nun sabiq baş katibi “erməni sevgisi”nə görə bu qədər pul alıb - FOTO

NATO-nun keçmiş baş katibi Anders Foq Rasmussenin ermənilərə  “sevgisi”nin və hansı qiymətə Azərbaycana qarşı bəyanatlarla çıxış etməsi bəlli olub. Sən demə, sabiq NATO rəhbəri Rasmussen “erməni sevgisi” və Azərbaycana qarşı bəyanatlarla çıxış etməsinin qiyməti  
150 min avrodan 400 min avroyadək olub.

“Ölkə.Az” xəbər verir ki, bunu erməni jurnalist və bloger Alison Tahmizyan rəsmi mənbələrə istinadən məlumat yayıb.

Erməni blogerin yazdığına görə, NATO-nun keçmiş baş katibi Rasmussen heç də erməni xalqına yazığı gəldiyi üçün bunu təmənnasız etməyib.

“Anders Foq Rasmussenin Ermənistanda altruizm  (başqa adamlara təmənnasız xidmət göstərən şəxs) və ya NATO adından hər hansı bir sifətdə olduğunu düşünürsünüz...  Bunun üçün Ermənistan hökuməti ona pul ödəyir”.

NATO-nun sabiq baş katibi Rasmussenin ermənilərə dəstəyi üçün rəhbəri olduğu “Rasmussen Global” şirkəti Ermənistan hökumətindən 150 min avrodan 400 min avroya qədər pul istəyib.

Mürtəza
Ölkə.Az